7 майи соли 2025 дар Палатаи савдо ва саноати Ҷумҳурии Тоҷикистон маросими ифтитоҳи намояндагии Иттиҳодияи федеролии соҳибкорони хурду миёнаи Олмон (BVMW) дар Тоҷикистон баргузор гардид.
7 майи соли 2025 дар Палатаи савдо ва саноати Ҷумҳурии Тоҷикистон маросими ифтитоҳи намояндагии Иттиҳодияи федеролии соҳибкорони хурду миёнаи Олмон (BVMW) дар Тоҷикистон баргузор гардид.
Дар маросими ифтитоҳи он Сафири Фавқулода ва Мухтори Тоҷикистон дар Ҷумҳурии Федеративии Олмон Имомуддин Сатторов, Сафири Ҷумҳурии Федеративии Олмон дар Тоҷикистон Йорк Шуграф иштирок доштанд.
Ифтитоҳи намояндагии Иттиҳодияи федеролии соҳибкорони хурду миёнаи Олмон дар назди Палатаи савдо ва саноати Ҷумҳурии Тоҷикистон бо ташаббус ва дастгирии фаъолонаи Сафорати Тоҷикистон дар Олмон имконпазир гардид.
Иттиҳодияи федеролии соҳибкорони хурду миёна зиёда аз 1 миллион ширкати олмонӣ ба ҳайси аъзо дорад. Ҳадафи асосии Иттиҳодияи мазкур дастгирии ширкатҳое мебошад, ки ба бозорҳои байналмилалӣ ворид мешаванд.
Иттиҳодия дар Душанбе дафтари худро кушод, ин 93-юм аст. Иттиҳодия ба ҷомеаҳои тиҷоратии саросари ҷаҳон барои ҳамкорӣ бидуни миёнарав мусоидат мекунад. Барои соҳибкорони тоҷик дурнамои бузург барои барқарор кардани робитаҳои тиҷоратӣ ва баҳрабардорӣ аз имкониятҳои пешниҳодкардаи Ассотсиатсияи тиҷорати хурду миёна дар Олмон боз мешавад.
Ҳамчунин, рӯзи 7 май дар меҳмонхонаи "Серена"-и Душанбе Форуми соҳибкорони Тоҷикистону Олмон баргузор шуд.
Ба ҳайати Олмон намояндагони 18 корхонаи бузурги Олмон аз бахши бонкӣ, кишоварзӣ, суғурта, сохтмон, нақлиёт, доруворӣ, истеҳсолкунандагони хӯроки ҳайвонот ва ғайра шомиланд. Аз доираҳои тиҷоратии Тоҷикистон намояндагони ширкатҳои пешрафта ширкат доштанд.
Дар Форуми мазкур Ёддошти тафоҳум байни Палатаи савдо ва саноати Ҷумҳурии Тоҷикистон ва Ассотсиатсияи соҳибкории хурду миёнаи Олмон «BVMW» ва Ёддошти тафоҳум байни ширкати ҳавопаймоии Тоҷикистон ҶДММ «Сомон Эйр» ва Фурудгоҳи Триво Ҳан-и Олмон ба имзо расид.
Ҳамчунин, дар чаҳорчӯби Форуми тиҷоратӣ вохӯриҳои B2B байни соҳибкорони ҳарду кишвар баргузор шуданд.
